Slavia Pragë i merr pikë Barcelonës në ‘Camp Nou’
Slavia Pragë është befasia më e madhe e xhiros së katërt të fazës së grupeve të Ligës së Kampionëve.
Skuadra çeke ka arritur të shokojë Barcelonën, duke luajtur barazim 0-0 në ‘Camp Nou’.
Barcelona edhe pse pati mundësitë, nuk arriti të gjejë golin kundër Slavias.
Ky ishte barazimi i dytë shokues për Slavian, që ka arritur të marrë një pikë edhe kundër Interit në ‘San Siro’.
Pas këtij barazimi, Barcelona në grupin F kryeson me tetë pikë, katër më shumë se Inter dhe Dortmund, që kanë nga katër pikë.
Në orarin 18:55, është zhvilluar edhe një ndeshje tjetër, ku RB Leipzig ka mposhtur 0-2 Zenitin./Lajmi.net/