Lokja nga Lagja e Trimave: Djali më ra dëshmor në Sllupçan, braktisi ARM…(VIDEO)

70 vjeçarja Makfire Demiri, çdo mëngjes hyn në këtë dhomë për të fotografitë dhe për tu çmallur me djalin e saj, Nezir Demiri, i njohur në UÇK me nofkën komandant “Apaçi”.

Neziri ra dëshmor në vitin 2001, në fshatin Sllupçan të Kumanovës gjatë luftimeve me policinë dhe ushtrinë maqedonase. Në atë kohë sapo kishte mbushur 20 vjet, shkruan gazeta LAJM.

Gjatë rrëfimit të saj, nëna e Nezirit tregon se si djali i saj kishte braktisur shërbimin ushtarak në Armatën e Maqedonisë për t’iu bashkuar Ushtrisë Çlirimtare Kombëtare. “Më 29 prill të vitit 2001 erdhi në shtëpi pasi eprori I tij maqedonas në ushtri i kishte dhënë ditë uikendi. Qëndroi vetë një natë me ne dhe u nis drejt Sllupçanit për t’iu bashkuar ushtrisë shqiptare. Dhe, prej atje s’u kthye më”, rrëfen lokja nga Kumanova.