Sulmohet me gurë autobusi me udhëtarë kosovarë në Serbi
Sulmohet autobusi i linjës Kosovë-Austri.
Këtë e ka bërë të ditur deputeti i Lëvizjes Vetëvendosje, Haki Abazi nëpërmjet një postimi në Facebokun e tij.
Ai ka thënë se është sulmuar me gurë autobusi me udhëtarë kosovarë nga serbët në “Velika Pllanë” të Serbisë.
Autobusi i linjës Kosovë-Austri i kompanisë “Zhitia” po kalonte tranzit nëpër territorin e shtetit fqinj, Serbisë.
“Autobusi që ishte me udhëtar kosovar dhe linjë e rregullt është sulmuar nga serbët të cilët kanë gjuajtur me gurë.”, njoftoi Mefail Bajqinovci i VV-së. /Lajmi.net/