Vrasësi turk në Shtip ka ardhur nga Adana enkas për gjakmarrje

Vrasësi turk në Shtip kishte ardhur nga Adana enkas për gjakmarrje. Ai është një i dënuar që më parë ka qëlluar një person dhe është qëlluar vetë. Nën rrethana të çuditshme, në vend që të vuante 6 vjet burg në Turqi, ai ka qëndruar vetëm 4 muaj në burg.

21-vjeçari shtetas turk K.K. kishte ardhur në Shtip enkas nga Adana për të kryer një akt gjakmarrjeje. Kjo është versione më e mundshme për motivet e ekzekutimit publik në Sheshin Qendror të Shtipit. Vrasësi kishte mbërritur në Shkup me fluturim direkt rreth dhjetë ditë më parë, ku kishte blerë një armë zjarri (pistoletë) me kalibër 9 mm për 1.100 euro, por pa të dhëna për modelin dhe numrin serik, të cilat ishin fshirë.

Me ndihmën e miqve të tij, ai ishte strehuar në Shkup, ku edhe kishte përgatitur planin për vrasjen.