Arsovska e kërcënon kryeministrin pas arrestimit të drejtorit të Komunales: Micko, brenda një viti do të ikësh nga Maqedonia

Danela Arsovska akuzon se arrestimi i drejtorit të Komunales Shkup është pjesë e një skenari të VMRO-së për të frikësuar qytetarët para rrethit të dytë të zgjedhjeve. Ajo thekson se kaotizmi me mbeturinat në Shkup është krijuar nga vetë strukturat kriminale të VMRO-së.

Arsovska thekson se Julijana Spirovska, kryetare e Bordit Drejtues të Komunales, nuk do të arrestohet pasi ka një album me fotografi të të gjithë funksionarëve të VMRO-së. Ajo është dënuar më parë për vepra kriminale: në vitin 2022 për vrasje dhe në 2006 për lëndime të rënda trupore.

Sipas Arsovskës, Julijana drejton Bordet e tjera të VMRO-së dhe VLEN në Komunale, duke penguar për tre vjet investime si blerja e kamionëve të rinj, implementimin e programeve investive dhe vendimet për punonjësit që pastrojnë rrugët. Arrestimi i drejtorit sipas saj është për shkak se nuk mundi të siguronte 35 kamionë të rinj, pasi Julijana kishte vonuar procesin për të favorizuar një person tjetër.

Arsovska paralajmëron edhe kryeministrin Mickoski, duke thënë se një ditë kur të largohet nga Maqedonia, do të duhet të fshihet duke ikur përmes kufirit drejt Budapestit.