Të shtëna në Athinë, plagoset pronari shqiptar i një restoranti dhe djali i tij

Një incident i përgjakshëm ka ndodhur në orët e para të së hënës së 12 janarit në Agios Dimitrios në Athinë.

Mësohet se është plagosur me armë zjarri pronari i një restoranti, 70-vjeçar, dhe djali i tij, 39-vjeçar.

Sipas informacionit zyrtar të siguruar nga mediat greke, tre persona mbërritën me makinë në orën 2:40 në biznesin që ndodhet në rrugën Agoniston Polytechneiou dhe qëlluan me armë ndaj pronarit dhe djalit të tij.

70-vjeçari, me origjinë shqiptare, u plagos në këmbë, ndërsa djali i tij u plagos në kofshë dhe pulpë.

Raportohet se oficerët e policisë që mbërritën në vendngjarje gjetën dhe mblodhën katër gëzhoja.

Pas të shtënave, tre autorët u larguan me makinë në drejtim të paditur.