Ndërkohë që forcat policore janë duke zhvilluar një aksion të rëndësishëm pas zbulimit të nje sasie lënde narkotike, prokurori Vladimir Mara, i ndodhur në vendngjarje bashkë me Policinë e Shtetit, dekonspiron aksionin duke i dërguar foto ish Kryeministrit Berisha.
Në këto momente aksioni policor është ende duke u zhvilluar. Forcat blu kanë rrethuar vendngjarjen me shpresën se vec sasise së droges mund të arrestojnë edhe personat përgjegjës, por i gjithë operacioni është vendosur në pikëpyetje nga Prokurori Mara, i cili është kthyer në prokurorin digjital të Sali Berishës.
Në aksionet e policisë, uniformave blu nuk u lejohet pajisje me aparate celulare apo fotografik. I vetmi person i ndodhur në vendngjarje dhe i pajisur me celular është Prokurori Mara.
Çka vërteton së është pikërisht Vladimir Mara, me detyrë prokuror, i cili në vend që të zhvillojë detyrën e tij në zbardhjen e ngjarjes, e dekonspiron aksionin e policisë duke informuar me foto Sali Berishen/Tema