Shërbimet sekrete të një vendi të NATO-s me shumë gjasa fshihen pas vrasjes së ambasadorit rus në Turqi, Andrey Karlov.

Këtë pohim ka bërë një aleat i lartë i Presidentit rus Vladimir Putin.

Senatori Frantz Klintsevich, aleat kyç i Vladimir Putinit, thotë se me shumë mundësi një vend i NATO fshihet pas këtij sulmi.

“Mund të jetë ISIS ose kurdër për t’u hakmarrë kundër Erdogan. Por, mund të jetë, dhe kjo është pista më e mundshme, përfaqësues të shërbimeve të huaja sekrete të NATO. Ajo që ka ndodhur është një provokim i vërtetë. Kjo është një sfidë për Rusinë”, kështu ka deklaruar Frantz Klintsevich.