Bombardimet e Rusisë mbi centralin bërthamor në Ukrainë, vjen paralajmërimi i NATO-s

2,008

Shefi i NATO-s Jens Stoltenberg ka dënuar “pamaturinë” e Rusisë për granatimet ndaj një termocentrali bërthamor në Ukrainë dhe i ka kërkuar Moskës të ndalojë luftën kundër Ukrainës.

Këtë deklaratë, Stoltenberg e bëri para një takimi me ministrat e jashtëm perëndimorë.

Moebel THEMA

“Gjatë natës kemi parë edhe raporte për sulmin ndaj termocentralit bërthamor. Kjo thjesht tregon pamaturinë e kësaj lufte dhe rëndësinë për ta përfunduar atë, si dhe rëndësinë që Rusia duhet tërhequr të gjithë trupat për t’u angazhuar drejt mirëbesimit dhe përpjekjeve diplomatike”.

Autoritetet ukrainase thanë se një zjarr shpërtheu në një termocentral bërthamor në Ukrainë pas bombardimeve nga forcat ruse dhe njoftuan se zjarri u shua dhe se s’ka viktima.

Zjarri u raportua se shpërtheu rreth orës 2:30 të mëngjesit të së premtes, sipas kohës lokale, në termocentralin bërthamor të Zaporizhzhia, që ndodhet në Enerhodar, në juglindje të Ukrainës. Centrali është më i madhi i këtij lloji në Ukrainë dhe përmban gjashtë nga 15 reaktorët e energjisë bërthamore të vendit, sipas Agjencisë Ndërkombëtare të Energjisë Atomike (IAEA)./Gazeta Express/

Comments