Bora e pastroi ajrin e ndotur në Shkup

Reshjet e dëborës dje dhe sot kanë pastruar ajrin në kryeqytet. Të dhënat më të fundit të përditësuara nga faqja për matjen e cilësisë së ajrit IQAir, Shkupin e rendit të 73-tin në botë me indeks prej 53.

Ndryshe Shkupi në fillim të këtij viti ishte ndër 10 qytetet më të ndotura në botë dhe i pari në Evropë.

Sipas një raporti të fundit të Komisionit Evropian dhe Organizatës për Bashkëpunim Ekonomik dhe Zhvillim (OECD), Maqedonia është ndër vendet më të prekura nga ndotja e ajrit, dhe se ka më shumë vdekje si pasojë e ajrit të ndotur.