Dorëheqja e Bashës, reagon Ambasada Amerikane: Veproi si udhëheqës i vërtetë

Pas dorëheqjes së Lulzim Bashës ka reaguar ambasada Amerikane në Tiranë. Në reagimin e saj Ambasada Amerikane vlerëson aktin e dorëheqjes së Lulzim Bashës duke e cilësuar atë si shenjë udhëheqëse.

Lulzim Basha ka njoftuar dorëheqjen nga pozita e kryetarit të PD-së pasditen e së hënës para grupit parlamentar të deputetëve, anëtarëve të kryesisë dhe krerëve të degëve.

Basha tha se e bëri këtë hap pas për ta bashkuar partinë.

Postimi i plotë i Ambasadës Amerikane:

🇦🇱 | Vendimi i marrë nga Lulzim Basha sot për t’u dorëhequr si Kryetar i Partisë Demokratike meriton respekt. Vënia e interesave të partisë dhe të vendit mbi ato personale është shenjë e udhëheqësisë së vërtetë. Shpresojmë që vendimi do të përcaktojë rrugën që Partia Demokratike të ecë përpara drejt së ardhmes; do të forcojë marrëdhënien e veçantë të Shqipërisë me Shtetet e Bashkuara; do të përforcojë mbështetjen për reformat dhe përpjekjet e tjera për qëllimin e Shqipërisë për t’iu bashkuar Bashkimit Europian; dhe do të ritheksojë parimet dhe idealet demokratike mbi të cilat u themelua. Një opozitë e fortë që mund të jetë e gatshme për të udhëhequr është thelbësore për demokracinë. Mbështetja e Shteteve të Bashkuara për demokracinë dhe përkushtimi për të luftuar korrupsionin dhe pandëshkueshmërinë mbeten të pandryshuara.