Fillojnë të publikohen “bombat” për rastin “Monstra”

154

Moebel THEMA

fokus-monstra

Javorja “Fokus” në numrin e saj të sotëm zbardh detaje të reja për rastin “Monstra” lidhur me vrasjen e pesë maqedonasve në liqenin e Smilkovcit, për të cilën vrasje u dënuan me burg të përjetshëm banorë shqiptarë nga rajoni i Shkupit. Javorja mëson se një pjesë e të dënuarëve për këtë vrasje, ishin përgjuar gjatë kohë, para se të kryhej vrasja.
“Derisa pritet të deklarohet Prokuroria Speciale për këtë rast, Fokus nga burime të sigurta mëson se një pjesë e të dënuarve për vrasjen ishin përgjuar ilegalisht gjatë kohë para se të ndodhte masakra. Pritjet janë se këto biseda që nuk janë përdorur në procedurë gjyqësore, mund ta ndryshojnë rrjedhën e deritanishme të rastit dhe të zbulojnë porositësin dhe motivet e kësaj vrasje të pesëfishtë”, shkruan javorja.

Ka gjasa që ky tekst i javore “Fokus” të jetë i bazuar në ndonjë “bombë” ende të papublikuar për rastin “Monstra” dhe mund të jetë fillim i publikimit të “bombave” tjera që kanë të bëjnë me të vërtetën për vrasjen e pesëfishtë.

Comments