Trupi i një elefanti të vrarë në mënyrë të paligjshme në kontinentin aziatik, në Burma, ndërsa raportohet se është therur për t’i përdorur lëkurën në mjekësi, apo për të bërë stoli të ndryshme në tregun kinez.

Këto foto janë marrë gjatë një operacioni të fshehtë, i financuar nga “Elephant Family”, organizatë bamirësie britanike. Kjo organizatë ka gjurmuar kontrabandistë që i përdorin elefantët në pyll për të transportuar pesha të rënda, por edhe për t’i marrë lëkurën më pas. Pavarësisht se numri zyrtar i rasteve të muajit të fundit shkon në katër, sipas të dhënave të qeverisë së Burmas, burime jozyrtare besojnë se të paktën 50 elefantë janë zhdukur gjatë këtij viti.

Hetuesit kanë gjurmuar në Mong La, në zonën kufitare ndërmjet Burmas dhe Kinës, shitjen dhe tregtimin e jashtëligjshëm të lëkurës së elefantit.