Grabitje në një pompë derivatesh në Gjakovë, hajnat e bëjnë për spital punonjësin

Punonjësi i një pompe të derivateve në Gjakovë ka raportuar në Polici se është sulmuar fizikisht nga dy të dyshuar, raporton Express

Rasti ka ndodhur në orët e para të mëngjesit të së dielës, ku të dyshuarit pasi e kanë sulmuar fizikisht punonjësin e pompës, kanë grabitur 800 euro.

“Ankuesi mashkull kosovar, punëtor i një pompe të derivateve ka raportuar se është sulmuar fizikisht nga dy të dyshuar të panjohur të cilët i kanë grabitur 800 euro”, ka bërë të ditur Policia.

Viktima ka pësuar lëndime trupore dhe ka pranuar trajtim mjekësor.

“Viktima ka pësuar lëndime trupore dhe i njëjti ka pranuar tretman mjekësor. Rasti vazhdon nën hetime nga njësitet policore”, ka njoftuar Policia në raportin 24 orësh./GazetaExpress/