“Duket si një film dhe mendova se askush nuk më besoi, prandaj doja të bëja videot, por historia është ajo që thashë dje në skenë, e pabesueshme. Megjithatë unë isha larguar nga Milanello shumë herët. Pas tri orësh në radhë e ndalova këtë motoçiklist, sepse nuk mund të prisja më gjatë, Amadeusi nuk do ta bënte atë pa mua …
A rrezikova? Ndoshta po, por nuk kam frikë të rrezikoj dhe nuk mund të bëja asgjë tjetër për të arritur atje në kohë. Vetëm dy persona ishin dëshmitarë në vendin e ngjarjes, shoferi dhe një shok. Ata më dhanë një GPS për të më lokalizuar, në rast se motoçiklisti më kishte çuar në ndonjë vend tjetër.”
Një histori argëtuese e suedezit, që më tej tregon: “Vura re që motoçiklisti po voziste keq, i thashë: nëse dëshiron, e marr unë motorin kështu që do të heq të gjitha përgjegjësitë, por ai nuk donte. Për fat të keq nuk arritëm të bënim qoftë një fotografi kur mbërritëm në Ariston. Isha në stres të plotë dhe ai tregoi se nuk e kishte ngarë kurrë më parë motorin në autostradë. I thashë se kishte bërë një punë të mirë dhe pastaj, për fat, stafi i Festivalit u kujdes për mua. Kisha pak i ftohtë, ata më dhanë kohë të merrja veten”.