Ilir Meta: Kanë zgjedhur qëllimisht kutitë për demoralizimin e rivalëve, askush të mos tjetërsojë votën (MESAZHI)

Ka qenë shumë aktiv ditën e djeshme dhe në fillimin e procesit të numërimit. Sot në mëngjes, Presidenti Ilir Meta ka dhënë mesazhin e tij të parë ndërkohë që kërkon mostjetërsim të votës në procesin e numërimit.

“Asnjë votë të mos tjetërsohet në procesin e numërimit.  Numëruesit të mos ndikohen nga përzgjedhjet e qëllimshme të kutive të numërimit për qëllime demoralizimi të rivaleve.  Të gjithë të ruajnë qetësinë deri në shpalljen e rezultateve përfundimtare.  Çdo votë në kuti do numërohet dhe rinumërohet deri në fund” tha Ilir Meta në mesazhin e tij.