Kapiteni i FSK-së diplomon në ShBA, nderohet me çmim ndërkombëtar

Kapiten Shkëlqim Raci, pjesëtar i Forcës së Sigurisë së Kosovës, ka shkëlqyer në arenën ndërkombëtare duke përfunduar me sukses Kursin e Karrierës për Kapiten në fushën e Logjistikës, në njërin prej institucioneve më prestigjioze ushtarake në SHBA – Army Sustainment University, Fort Lee, Virxhinia.

Por nuk mjaftoi vetëm përfundimi i trajnimit – Raci ka dalë në pah mes shumë të tjerëve, duke u nderuar me çmimin e veçantë “Distinguished International Honor Graduate”, një vlerësim që u jepet vetëm studentëve ndërkombëtarë me rezultate të jashtëzakonshme akademike dhe profesionale.

“Ky sukses i Kapiten Racit përbën dëshmi të përkushtimit, profesionalizmit dhe standardeve të larta që përfaqësojnë pjesëtarët e FSK-së në arenën ndërkombëtare”, thuhet në njoftim.

Rama: Një ditë do kemi një ministër IA, nuk kanë kushurinjë për të futur në punë
Read more