Kukan: Nuk ka asnjë dokument të BE-së që Serbia ta njohë Kosovën

157

kukan

Nuk ka asnjë dokument zyrtar të Bashkimit Evropian përmes së cilit insistohet që  Serbia duhet të njohë Pavarësinë e Kosovës.

Kështu ka thënë kryetari i delegacionit BE – Serbi i Komitetit për Stabilizim Asociim të Parlamentit Europian Eduard Kukan.

“Dialogu i Beogradit dhe Prishtinës është shumë i rëndësishëm për  ne. Në Parlamentin Evropian këtë dialog e kemi marrë shumë seriozisht. E gjitha varet se si marrëveshjet e arritura shndërrohen në realitet”, theksoi ai.

Kukan deklaroi poashtu se ka presione direkte dhe indirekte për vazhdimin e bisedimeve në mes të Prishtinës dhe Beogradit.

“Përfaqësuesja e Lartë e BE-së për të Jashtme dhe Siguri të Politikave Federica Mogherini nuk është shumë e pranishme në media, por është duke punuar në vazhdimin e dialogut për të arritur një rezultat pozitiv për të dyja palët dhe për ne në BE.  Askush nuk është i kënaqur me kompromisin, por kjo është zgjidhja e vetme “, tha Kukan, raportojnë mediat serbe, përcjellë Klan Kosova.

Comments