Ky është 37 vjeçari që i vra me armë zjarri në Gjilan

Një person është gjetur i vdekur në rrugën ”Mërgimtarët e Gjilanit” në Gjilan.

Policia ka konfirmuar se sipas dyshimeve të para personi është vrarë me armë zjarri, shkruan Gazeta Insajderi.

Insajderi mëson se viktima është Sokol Osmani. Ende nuk dihen motivet e vrasjes.

Sipas njoftimit të policisë, personi është gjetur pa shenja jete në skaj të rrugës.

“Në koordinim me Prokurorin e Shtetit njësiti i hetimeve rajonale ka filluar hetimet në identifikimin e personave të dyshuar, ndriçimin dhe sqarimin e rrethanave të këtij rastit.”, thuhet në njoftim.

Njoftimi i plotë i policisë:

Ju njoftoj se me datën 07.11.2024 rreth orës 13:52 kemi pranuar informacion se një person është i shtrirë skaj rrugës ”Mërgimtarët e Gjilanit” në qytetin e Gjilanit. Njësitet policore relevante kanë dalë me urgjencë në vendin e ngjarjes se bashku me një ekip nga emergjenca e spitalit të Gjilanit të cilët ka konstatuar se viktima është pa shenja jete.

Nga hetimet e para dyshohet se viktima shtetas i Kosovës i vitit të lindjes 1987 është qëlluar nga armë zjarri.

Në koordinim me Prokurorin e Shtetit njësiti i hetimeve rajonale ka filluar hetimet në identifikimin e personave të dyshuar, ndriçimin dhe sqarimin e rrethanave të këtij rastit.

Me urdhër të Prokurorit të Shtetit trupi i pajetë është dërguar në Institutin e Mjekësisë Ligjore në Prishtinë për obduksion.