Lajmi Fundit: Shkup, izolohet një hotel në Qendër, një person testohet për koronavirus

Një hotel në rrugën “Maqedonia”, në Qendër të Shkupit, është izoluar për arsye se ekzistojnë dyshimet se një turist që ka ardhur në Maqedoni është i prekur nga koronavirusi, raporton TV21.

Personi i dyshuar është shtetas i huaj. I gjithë hoteli është në karantinë. Policia nuk lejon që njerëzit të hynë dhe të dalin nga hoteli, po nuk lejon as që qytetarët t’i afrohen hotelit në fjalë.

Gjatë kohës që ndihma e shpejtë policia bllokoi rrugën dhe nuk lejonte lëvizjen e lirë të qytetarëve.

TV21 së shpejti do të publikojë edhe video nga vendi i ngjarjes.