Luftë e ashpër mbi qiellin e Kyivit gjatë natës, raportohet se u rrëzuan dy avionë rusë dhe një ukrainas

Gazetari ukrainas i “The Kyiv Independent”, Illia Ponomarenko, ka njoftuar se dy avionë luftarakë rusë Su-35 janë rrëzuar gjatë natës, përcjell Gazeta Express.

“Dy Sukhoi Su-35S rusë u rrëzuan gjatë natës nga sistemet S-300, Ukraina humbi 1 Mikoyan MiG-29 në luftime”, shkroi ai në Twitter.

Për këtë ka shkruar edhe “The Spectator Index”.

“Dy avionë luftarakë ukrainas Mig-29, si dhe sisteme të mbrojtjes ajrore, shkatërruan dy avionë rusë Su-35 mbi Kyiv, me humbjen e një avioni edhe për ukrainasit”.