Mbledhja e Këshillit Ekzekutiv, Kovaçevski: Kemi rënë dakord me ASH-në për pjesën më të madhe

134

Kryeministri Dimitar Kovaçevski pas mbledhjes së sotme të Këshillit Ekzekutiv të LSDM-së për mediat tha se është biseduar për shumë tema, por jo për zgjidhje konkrete kadrovike me Aleancën për Shqiptarët.

“Në pjesën më të madhe kemi rënë dakord, si Taravari nuk mund të them sa është në përqindje, por detajet mbeten për t’u përcaktuar gjatë periudhës së ardhshme. Kam biseduar edhe me Alternativën, kemi pasur takime në ditët e kaluara, do të ketë edhe në ditët në vijim”, tha sonte Kovaçevski.

Ai gjithashtu bëri të ditur se në takim është diskutuar për një sërë temash aktuale, si reformat në drejtësi dhe prokurori, si dhe partneriteti strategjik me SHBA-në, ndërsa shtoi se bisedimet do të vazhdojnë në ditët në vijim./KlanMacedonia

Comments