Mot i ndryshueshëm, shi i rrëmbyeshëm dhe bubullima pasdite

Moti sot do të jetë pjesërisht i vranët dhe i ngrohtë me periudha me diell. Do të fryjë erë e lehtë deri mesatare nga drejtimi jugperëndimor.

Pasditja do të jetë e paqëndrueshme me reshje lokale të shiut dhe bubullima. Temperatura minimale do të jetë në intervalin 6 deri në 13 gradë, ndërsa maksimalet do të arrijnë 23 deri në 29 gradë Celsius.

Në Shkup, mot pjesërisht i vranët me periudha me diell. Pasditja do të jetë e paqëndrueshme në disa pjesë të luginës me shira të rrëmbyeshëm dhe bubullima. Temperatura minimale do të bjerë në 12 gradë, ndërsa maksimale do të arrijë në 27 gradë Celsius.

Të premten do të ketë kushte për paqëndrueshmëri të izoluar me erëra të moderuara jugperëndimore. Nën ndikimin e një vale të re të lagësht, gjatë fundjavës do të ketë reshje shiu, lokalisht në formën e stuhive me reshje më të dendura (mbi 30l/m2), të shoqëruara me bubullima dhe erëra të forta. Temperaturat ditore do të jenë në rënie.