Përplasje në LSDM: Nora Shaqiri e pyet Zaevin pse është më pak e vlefshme nga Muhamed Zeqiri?

128
Image result for nora shaqiri bdi

Moebel THEMA

Nora Shaqiri e pyet liderin e LSDM-së, Zoran Zaev pse është më pak e vlefshme nga Muhamed Zeqiri?

Punësimi i Muhamed Zeqirit në LSDM i revoltoi anëtarët dhe simpatizuesit e partisë opozitare.

Nënkryetari shumëvjeçar dhe deputeti i LSDM-së Jani Makraduli nuk ka qenë i vetmi i papunësuar. Pas kësaj çështje u paraqit edhe Nora Shaqiri, e cila nuk e ka të qartë pse ajo për Zaevin është më pak e vlefshme se Zeqiri.

Pasi që Shaqiri e thirri, Zaev iu përgjigj se ai nuk e ka ditur se ajo ka nevojë për angazhim dhe punë, dhe e thirri në kafe tek ai në parti.

“Zoki faleminderit për ftesën. Do të pimë kafe patjetër. Aq shumë kam folur publikisht ashtu që nuk e di se si nuk ke dëgjuar”, i ka shkruar Nora Shaqiri liderit të LSDM-së.

Ndryshe, pas heshtjes katërditore nga LSDM, partia më e madhe opozitare më në fund vërtetoi se Muhamed Zeqiri është në listën partiake për pagesë. Informacionet që “Kurir” i publikoi qysh të shtunën, se gazetari i cili për 24 orë u transformua nga i pavarur në anëtar të Këshillit qendror të LSDM-së dhe është në listën për pagesë të LSDM-së, u dëshmuan si të vërteta.

Informacionet e këtilla personalisht i vërtetoi njeriu i parë i partisë Zoran Zaev, i cili në intervistën e djeshme për TV NOVA deklaroi se Zeqirit “i kanë dhënë rrogë që mos t’ia lënë fëmijët të uritur pasi që e ka lënë punën që të ndihmojë”.

Duke i komentuar shkrimet se Jani Makraduli është i papunë, Zaev thotë se Makradulit i është ofruar përmes partisë t’i gjendet punë.

“Jani ka pasur oferta për punë në parti dhe oferta për disa punë ku partia ka mundur të ndihmojë”, tha Zaev.

Zaev megjithatë nuk ka zbuluar edhe disa anëtarë tjerë të Këshillit Qendror të partisë që ashtu si Zeqiri janë na listën për pagesë të LSDM-së.

Comments