Presidentja e Kroacisë me mesazh për rusët: Simpatizoni për Kroacinë [Video]

Presidentja e Kroacisë, Kolinda Grabar Kitarovic, është shndërruar në një prej personazheve më karakteristike të këtij Kampionati Botëror.

Presidentja e cila gjithnjë tërheqë vëmendjen për paraqitjet e saj, kryesisht me dukjen sa atraktive edhe elegante, natyrisht se do të qëndrojë në Rusi.

Kroacia (Getty Images)

Grabar Kitarovic rrugës për në Rusi në aeroplan ka publikuar një video mesazh që u drejtohet rusëve.

Ajo ka falënderuar rusët për mikpritjen e përzemërt duke i cilësuar si nikoqirë të shkëlqyer.

Në fund ajo u bëri thirrje rusëve që të përkrahin Kroacinë.

“Në emër të simpatizuesve kroatë e falënderoj Rusinë për mikpritjen e përzemërt. Ishit nikoqir i shkëlqyeshëm. Sonte simpatizoni për Kroacinë. Dhe, të festojmë bashkërisht. Faleminderit Rusi, po vijmë”, u shpreh presidentja Kolinda Grabar Kitarovic.

Presidentja e Kroacisë ka rrëmbyer vëmendjen me prezencën e saj në të gjitha ndeshjet sa duke qenë edhe prezente në zhveshtore për të përgëzuar lojtarët.

Finalja e madhe zhvillohet sot (e dielë) nga ora 17:00. /Telegrafi/