Në mesin e tyre ishte edhe imami Shefqet Krasniqi.

Por, Prokuroria Speciale ka bërë me dije se ka ngritur aktakuz ndaj pesë personave të tjerë, në mesin e tyre imamë e hoxhallarë, raporton Koha.net. Fjala është për imamin e xhamisë afër Termokosit, Bedri Robaj si dhe për hoxhën nga Prizreni, Idriz Bilibani, që sipas Prokurorisë me veprimet e tyre kanë kryer veprën penale: Shtytja për kryerjen e veprave terroriste, nga neni 141 i Kodit Penal të Republikës së Kosovës.

Të pandehurit Enes Goga, kryeimam në Pejë dhe Mazllam Mazllami imam nga Prizreni, Prokuroria thotë të kenë kryer veprën penale: Nxitja e urrejtjes, përçarjes ose mosdurimit, kombëtar, racor, fetar apo etnik, nga neni 147 par. 2 lidhur me par.1 i Kodit Penal të Republikës së Kosovës, ndërkaq të pandehurin Fuad Ramiqi aktakuza e ngarkon me kryerjen e veprës penale: Thirrje për rezistencë, nga neni 411 par. 1 i Kodit Penal të Republikës së Kosovës, raporton Koha.net.