Qeveria synon ta bëjë me ligj kontrollimin e financimit të subjekteve politike, e miraton projektligjin

Qeveria në mbledhjen e fundit për këtë vit ka votuar me të gjitha votat pro për miratimin e Projektligjit të Financimit të Subjekteve Politike.

Sipas kryeministrit Albin Kurti, ky projektligj parasheh rritjen e transparencës dhe llogaridhënies nga ana e subjeketeve politike, shkruan lajmi.net.

“Ky projektligj parasheh dispozita në lidhje me kontrollin financiar të subjekteve politike, auditimin e raporteve financiare. Kjo është me qëllim të transparencës dhe llogaridhënien e subjekteve politike. Qeveria jonë ka organizuar edhe tryezë që të arrijë koncensus politik… Forma e mirë e këtij projektlgiji po prezantohet para jush”, deklaroi Kurti.
Këtij projektligji u është bërë ndryshimi dhe plotësimi përgjatë dy viteve më parë. /Lajmi.net/