S’ka më flamuj në oborrin e Qeverisë, PSD në shtizë i vendos batanijet

Partia Socialdemokrate e Kosovës ka mbajtur aksionin e radhës tek Qeveria e Kosovës që ndërlidhet me krizën e rrymës në vend dhe rinisjen e reduktimeve pas shumë viteve.

PSD ka larguar flamujt që ndodhen para objektit të qeverisë, duke vendosur batanijet në shtizë, shkruan lajmi.net.

Batanija është njëra ndër fjalët që u bë virale kohëve të fundit në Kosovë, pasi që kryeministri i Kosovës, Albin Kurti tha se po ngrohet me të gjatë këtyre ditëve të ftohta e pa rrymë.

Nga PSD thanë se qeverisja e Kurtit mund të ndahet në disa etapa, duke filluar nga kriza me çmimet e rrymës si dhe kriza me çmimet e artikujve bazë për jetesë. /Lajmi.net/