Bota

Skena dramatike në aeroportin e Antalyas: Pasagjerët evakuohen nga aeroplani!

Nga Admin7
262
fresco

Pasagjerët në një fluturim të Turkish Airlines u evakuuan nëpërmjet rrëshqitëseve pasi u pa tym në aeroplan pas uljes në aeroportin e Antalyas në Turqi.

Incidenti ndodhi ndërsa Boeing 777, i cili ishte nisur nga Stambolli, po lëvizte në pistën e uljes në resortin turistik të Antalyas. Ekipet e reagimit ndaj emergjencave rekomanduan një evakuim emergjent si një masë paraprake për të mbrojtur sigurinë e pasagjerëve, konfirmoi zëdhënësi i linjës ajrore Yahya Ustun.

Sipas tij, të gjithë pasagjerët u evakuuan në kohë, pa lëndime. Numri i saktë i pasagjerëve dhe anëtarëve të ekuipazhit nuk u raportua.

Inspektimi teknik fillestar tregoi se tymi ishte shkaktuar nga një defekt në tubin hidraulik. Kontrolle të tjera teknike të avionit janë duke u zhvilluar.

Comments