”Të kujtoj si njeri të mirë…”, reagon pas ngjarjes tragjike bashkëshortja e dizajnerit Festim Isufi

Një ngjarje e rëndë ka ndodhur pasditen e djeshme në Rrugën B të Prishtinës, ku një burrë 34-vjeçar ka humbur jetën, ndërsa një grua 30-vjeçare ka mbetur e plagosur si pasojë e lëndimeve të shkaktuara nga një mjet i mprehtë.

I dyshuari, Festim Isufi, është gjetur pa shenja jete në banesën e tij në rrugën “B”.

Lidhur me rastin policia ka dhënë detaje në raportin 24 orësh, ku thuhet se vdekja e tij është konstatuar në vendin e ngjarjes.

Ndërkohë, ditën e sotme për vdekjen e Festimit ka reaguar gruaja e tij, Rina, përmes një postimi në Instagram.

Ajo ka ndarë një fotografi me të shoqin, duke i dhënë lamtumirën.

“Prehu i qetë jeta jem, humbja jote e papritshme na ka lënë me dhimbje të papërshkrueshme. Të du e të kujtoj si njeri të mirë, të buzëqeshur si ishe.”

Varrimi i dizajnerit Festim Isufi do të bëhet sot, më 10 maj 2025, në varrezat e Gjilanit, pas namazit të ikindisë.