Tensionohet situata në Bosnje, serbët duan referendum, boshnjakët gati t’u përgjigjen

Nga Admin 1 Me Aug 31, 2016

Kryesuesi i presidencës së Bosnjës dhe Hercegovinës, Bakir Izetbegoviq, tha se ka qenë i pritshëm mendimi mospajtuesi i Rusisë në mbledhjen e Komitetit Drejtues të Këshillit për Zbatimit të Paqes (PIC) në Bosnjë dhe Hercegovinë.

“Për fat të keq, pritej opinioni kundërshtues i Rusisë. Rusia që disa kohë nuk bënë ndonjë dallim ndaj neve. Mbështetja e aventurës politike, e cila sjell në pikëpyetje institucionet e përcaktuara nga marrëveshja e Dejtonit do t’i sjellë dëm të gjithëve, duke filluar nga Bosnja e Hercegovina, e po ashtu edhe Republikës Srpskas, por edhe rajoni, dhe në fund të fundit edhe Rusisë”, ka thënë Izetbegoviq, shkruan lajmi.net.

Përveç Rusisë, e cila ka ndarë mendjen kundër, anëtarët e tjerë të PIC-it kanë rënë dakord për një deklaratë të përbashkët, e cila sipas ambasadorit të Rusisë në Bosnje, Peter Ivancov është e problematike, sepse kërkon lëshime vetëm nga Republika Srpska, e jo thirrje për dialog, që, sipas Ivancovit, është i nevojshëm në këtë moment, raportojnë mediat boshnjake.

Përveç Përfaqësuesit të Lartë në Bosnje (OHR), i cili pritet të reagojë për të parandaluar referendumin e planifikuar në RS, po ashtu mund të reagojë dhe Gjykata Kushtetuese, në të cilën Izetbegoviq javën e kaluar ka dërguar një kërkesë që urdhëron shtyrjen e referendumit në entitetin e Republikës Serbe.

Republika Serbe e Bosnje po planifikon mbajtjen e referendumit për Ditën e Republikës, mirëpo kjo më shumë shihet si tentim i serbëve për të organizuar referendum për herë të parë në Bosnjë e që më vonë mund ta shfrytëzonin për ndarje.

Bosnja dhe Hecegovina e kanë të ndaluar me Kushtetutë mbajtjen e cfarëdo referendumi. /Lajmi.net/