Vjosa Osmani: 900 milionë euro po i ikin Kosovës për shkak të bllokadës në Kuvend

Presidentja e vendit, Vjosa Osmani, është deklaruar për media pas përfundimit të takimit mes krerët e partive politike në vend.

Osmani është shprehur se sot bëhet një muaj nga seanca e parë në Kuvendin e Kosovës, por që fatkeqësisht edhe pas 16 përpjekjesh nuk ka pasur rezultat në konstitumin e Kuvendi.

“Po ju njoftoj që arsyeja pse u desh të mbaj këtë konferencë tani dhe jo pas takimit me përfaqësuesit e partive të komuniteteve jo shumicë, është se më duhet me njëherë të udhëtoj për në Tiranë për Samitin e Komunitetit Politik Evropian. Desha t’ju njoftoj për disa prej çështjeve që i diskutuam në takimin me liderët e partive kryesore në vend. Sot bëhet një muaj nga seanca e parë në Kuvendin e Kosovës, por që fatkeqësisht edhe pas 16 përpjekjesh nuk ka pasur rezultat në konstitumin e Kuvendit. Pasojat kryesore i bartë vendi ynë dhe qytetarët, kjo është arsyeja pse në zbatim të kompetencave të presidencës kam ftuar kryesuesit e partive politike dhe bartësit e koaliconeve, dhe pas pak do të takohem me partitë e komuniteteve jo shumcië për të diskutuar rrugën përpara.

Më lejoni të sqaroj se ky është vetëm takimi i parë, nëse është e nevojshme, nga java tjetër do të takoj liderët e partive edhe individualisht për të vazhduar edhe me formate më pas sipas nevojes. Këto nuk janë kosnultime për krijimin e qeverisë sepse këto i takojnë ekskluzivisht partive politike. Diskutimet e sotme, së paku nga ana ime, kanë qenë të fokusuara në tërësi të çështja e konstituimit të Kuvendit”, ka thënë Osmani.

Osmani, është shprehur se Kosova mund ti humbë rreth 900 milione euro për shkak të kësaj bllokate të Kuvendit./IndeksOnline/