Vulini përsërit kërcënimin: Ushtria serbe është në gatishmëri për çdo urdhër të Vuçiqit

Ministri i Punëve të Brendshme të Serbisë, Aleksandar Vulin, deklaroi sot se një Serbi e fortë është garantuese e sigurisë së serbëve në Kosovë, duke shtuar se trazirat e marsit 2004 nuk do të përsëriten më kurrë.

Vulini shtoi se xhandarmëria serbe do të përmbushë çdo urdhër të Vuçiqit dhe se është “gati, e trajnuar, e pajisur teknikisht, por, siç tha ai, më e rëndësishmja, shumë e motivuar, për të mbrojtur njerëzit e saj kudo që është e nevojshme”, shkruan Tanjug, transmeton eo.

Duke komentuar thirrjen e Bashkimit Evropian për të dyja palët për të ulur tensionet, Vulini theksoi se sipas Serbisë, Marrëveshja e Brukselit është shkelur në mënyrë flagrante dhe se qëllimi i Prishtinës është të destabilizojë të gjithë rajonin.