Kryeministri i Maqedonisë së Veriut, Zoran Zaev,në pres-konferencë të jashtëzakonshme tha se ai nuk është i vetëm që ka rënë pre e mashtrimeve telefonike. Zaev thotë se ngjarja me mashtrimet telefonike ju ka ndodhur edhe shumë kryetarëve dhe kryeministrave të vendeve tjera po edhe funksionarëve publik. Duke filluar nga Rexhep Taip Erdogan, e shumë të tjerëve. Sipas Zaev-it lista e të përfshirëve është shumë e gjatë.
Ai thotë se propagandat e tilla nuk janë në favor të vendit dhe se po shpërndahen nga mediume anti-NATO.
Kryeministri theksoi se në bisedën e përgjuar është dëgjuar duke thënë se është kundër ndryshimit të kufijve dhe ka shfaqur besimin për zgjidhjen e Marrveshjes së Prespës.