Anëtarëve të shoqatës “No pasaran” që protestojnë kundër lëshimit të faturave paushalle për ngrohje qendrore iu kanë mbërritur tre vendime gjyqësore në favor të kompanisë BEG. Ata pohojnë se banesat e tyre i kanë vizituar persona nga Inspektorati i Tregut. Të shkyçurit nga ngrohja qendrore paralajmëruan protestë më datë 9 nëntor kur edhe bëhen 5 vjet qëkur Qeveria dhe “Ngrohtorja” vendosën që të gjithë të shkyçurit nga sistemi duhet patjetër të paguajnë fatura paushalle. Thonë se nuk do të heqin dorë dhe se të drejtat e tyre do t’i kërkojnë deri në fund.

“Ky është Inspektorati i Tregut. Pra, këtu mund të shihni persona që pa leje kanë hyrë në banesën time dhe pa praninë time kanë bërë regjistrim. Këtë e kanë bërë pa urdhër gjykate. Duam të pyesim Inspektoratin e Tregut se a janë këta inspektorët e tyre? A mund të hyjnë në pronë private si të duan dhe të sillen si kaubojë?”