Reali i Madridit do të fillojë aventurën e tij në Ligën e Kampionëve në një ndeshje përballë italianëve të Romës.
Ekipi i drejtuar nga Lopetegui pas 9 sezonesh do të fillojë këtë kompeticion pa Cristiano Ronaldon. Por duket se kjo çështje nuk është një problem për trajnerin Julen Lopetegui.
Ne përqendrohemi vetëm te lojtarët tanë. E duam triumfin dhe jemi gati të luftojmë për gjithçka. Jemi të bindur se do të bëjmë një turne të shkëlqyer, me gjithë dashurinë për lojtarët që kanë qenë këtu. Ne fokusohemi te lojtarët që janë aktualisht pjesë e Realit të Madridit”, u shpreh Lopetegui kur u pyet për Championsin e ri pa Ronaldon.