Aksident i rëndë në Carralevë- Lëndohen tre persona, ndërhyjnë zjarrfikësit për të nxjerrë njerëzit nga autobusi

Një aksident i rëndë trafiku ka ndodhur mëngjesin e sotëm në rrugën Prishtinë-Prizren, saktësisht në Carralevë.
Si shkak i përplasjes që ndodhi në mes një autobusi dhe një kamioni janë lënduar tre persona.

Kjo është konfirmuar edhe nga zëdhënësi i Policisë së Kosovës për rajonin e Prizrenit, Shaqir Bytyqi.

“Sot me date 10.09.2024, rreth orës 07:11 është raportuar për një aksident trafiku në rrugën Carralevë-Duhël. Në aksident janë të përfshirë një autobus dhe një kamion. Si pasoj e aksidentit së paku tre persona kanë pësuar lëndime të lehta trupor dhe janë transportuar për në emergjencë në QKMF në Suharekë”, tha Bytyqi.

Me të marrë informatën në vendin e ngjarjes kanë dalë ekipet emergjente, të cilat janë marrë me rastin.

Pasi që autobusi është rrotulluar në krahë në këtë rast është dashur edhe intervenimi i zjarrfikësve, për t’i nxjerrë pasagjerët./Lajmi.net/