Pas tensioneve ruso-amerike për gjendjen në Siri dhe sidomos për ndërhyrjen ruse ne Aleppo përmes korridoreve për të strehuar civilët, Uashingtoni dhe Moska kanë vendosur të mbajnë një takim të vecantë për këtë ceshtje.

Sekretari amerikan i Shtetit, John Kerry, zhvilloi sot në mëngjes në Gjenevë një mbledhje me homologun e tij rus,  Serguei Lavrov, për t’u përpjekur të rifillojnë bisedimet për paqe në Siri.

Shefi amerikan i diplomacisë dhe ai rus u takuan në një hotel luksoz në brigjet e liqenit Leman rreth orës 10:00 (8:00 GMT).

Para kamerave, ata shtrënguan duart, por nuk deklaruan se çfarë prisnin të arrinin në përfundim të këtyre bisedimeve