Ministri i jashtëm turk Mevlut Çavusoglu, në një intervistë në kanalin televiziv “TGRT” e ka quajtur Austrinë  “vendin e racizmit.”

Kjo deklaratë pason atë të Kancelarit  te Austrisë, Christian Kern, i cili tha se bisedimet për anëtarësim Turqisë në BE duhet të ndalen dhe se ka në plan të ngrejë çështjen në samitin e BE-së në shtator.

Çavusoglu reagoi ashpër duke argumentuar  se Austria gjithmonë ka mbajtur një qëndrim negativ ndaj Turqisë.

Ai tha gjithashtu se thënia e kancelarit Christian Kern, se turqit janë “radikalë” është e papranueshme.