Gjykata e Tiranës ka shpallur fajtor dhe e ka dënuar me 14 vite burgim Artan Markun, i cili u shpall fajtor për vrasjen e Arben Kaninës.

Ngjarja në fjalë ka ndodhur në shkurt të këtij viti, në një nga ish-godinat i Institutit Bujqësor në Kamëz.

Autori dhe viktima jetonin në të njëjtën dhomë dhe dyshohet se krimi ka ndodhur pasi të dy ishin në gjendje të dehur.   I pandehuri Marku e pranoi autorësinë e krimit, duke deklaruar se e kishte qëlluar viktimën pasi mësoi se ai ngacmonte një vajzë të mitur. Duke pranuar fajësinë, ai përfitoi edhe gjykimin e shkurtuar çka i uli atij 1/3 e masës së dënimit dhe nga 14 vite burgim, Marku do të vuajë 9 vite e 4 muaj.