Erdogan: Vendi im e kërkon dënimin me vdekje

Presidenti turk Rexhep Taip Erdogan, duke folur në një tubim të përkrahësve të tij deklaroi: “Vendi im e kërkon dënimin me vdekje.

Vendimi për këtë çështje i takon parlamentit turk. Ne do të zhdukim terroristët që kërcënojnë të dëmtojnë vendin tonë dhe ata do t’i zhdukim si një qelizë kanceroze.

Ne do t’i gjejmë dhe do t’i dënojmë ata”. Erdogan përsëri i kërkoi parlamentit turk të miratojë kthimin e dënimit me vdekje pas grusht shtetit të dështuar të korrikut. Deri në vitin 2004 në Turqi ka ekzistuar dënimi me vdekje, por nuk është kryer asnjë ekzekutim me vdekje që nga viti 1984.