Humbja e Bayern Munichut në Ligën e Kampionëve kundër Rostovit ka vënë në diskutim të ardhmen e Carlo Ancelottit.

E përditshmja sportive italiane “Corriere dello Sport” shkruan se ndeshja e ardhshme në Bundesligë kundër Bayer Leverkusenit mund të jetë një duel vendimtar për postin e tij.

Kritikët e Ancelottit e fajësojnë për modulin e lojës, dështimin për të përmbysur një ndeshje në disavantazh dhe raportin jo të mirë me ekipin në dhomat e zhveshjes.

Bayern Munich ka pësuar dy humbje të njëpasnjëshme nga Borussia Dortmund në Bundesligë dhe Rostov në Ligën e Kampionëve.