Konfirmohen ndasitë në ASH, Degës së Tetovës i bashkangjiten edhe disa Nëndegë

Dalin të vërteta përçarjet, madje edhe braktisja e Degës së Aleancës për Shqiptarët në Tetovë bashkë me disa Nëndegë tjera nga baza e partisë. Të kryesuar nga kryetari i Degës në Tetovë, Altrim Mamuti, tashmë edhe Nëndegë tjera në Tetovë hapur kanë lajmëruar largimin nga ASH e Ziadin Selës, ndërsa kanë akuzuar kreun e partisë për moapërfillje të strukturës më të madhe të partisë. Në ndërkohë, flitet se Dega e ASH-së në Tetovë bashkë me disa Nëndegë do t’i bashkangjitet Lëvizjes BESA.
Postimi i plotë i Nëndegës së Çarshisë së Epërme në Tetovë:

Të nderuar qytetarë i nderuar opinion publik, ju njoftojmë se lajmet e plasuara nëpër media për pakënaqësinë tonë nga subjekti ynë politik ASH janë të vërteta dhe në përputhshmëri dhe pajtueshmëri të plotë me kryetarin e degës së Tetovës z. Altrim Mamuti-Shumi!
Duam ta njoftojm opinionin se e vërteta e pakënaqësisë tonë buron që nga momenti i mospërfilljes së vullnetit tonë si degë e Tetovës pikërishtë atëherë kur kryesia e ngushtë e ASH-së në krye me kryesinë e ngushtë të sajë shkelën vullnetin dhe kërkesën tonë si degë e Tetovës për mosbashkpunim me Lëvizjen Besa si një kombinim i sigurtë fitues karshi Bdi-së!
Që nga momenti i këtij vendimi jodemokratik e krerëve të ASH-së në si degë e Tetovës në mënyrë permanente kemi shprehur indinjatën tonë dhe pakënaqësinë ndaj këtij vendimi, jodemokratik, joparimor dhe jotransparent!
Të nderuar qytetarë, për hirë të korrektësisë, duam tju njoftojmë se ne në mënyrë permanente kemi kërkuar që të ndodh një bashkëpunim opozitarë Ash-Besa dhe se në të kundërtën nëse kjo kërkesë e natyrshme bashkëpunimi nuk do ndodhë nga kryesia të njëjtën atëherë do detyrohemi ta realizojmë në nga baza e partisë nëndeget dhe deglt duke mos u keqkuptuar se ky është lloj ultimatumi por bindje e pakontestueshme gjithëpopullore se ky është kombinimi i vetëm fitues karshi BDI-së! Fatkeqësishtë duke parë se hasim në vesh të shurdhur dhe duke mos u përfillur zëri ynë në kryesi të partisë për një kombinim fitues që e dëshironte i gjithë opinioni pra bashkëpunimi Ash-Lëvizja Besa për një fitore të padiskutueshme kundrejt BDI-së, ne si nendegë e çarshisë së epërme rreshtohemi pas çdo lloj vendimi të kryetarit të degës së Tetovës z.Altrim Mamutit!
Aktiviteti ynë politik do jetë vazhdimësi e asaj që e kemi filluar që në fillet tona, pra fitorja dhe sjellja e ndryshimit tek shqipëtarët kundrejtë një subjekti (Bdi) i cili ka shuar shpresën e gjithë neve!