Presidentja Dilma Rousseff është shkarkuar nga detyra pas votimit të sotëm të Senatit të Brazilit, për manipulim të të dhënave të buxhetit.

Kështu, merr fund edhe pushteti 13-vjeçar i Partisë së Punës, e krahut të majtë.

61 senatorë votuan në favor të hetimit të saj dhe 20 kundër, duke plotësuar mazhorancën prej dy të tretat që duhej për ta shkarkuar presidenten, e cila i mohon akuzat.

Presidenti në detyrë, Michel Temer do të çojë deri në fund mandatin e braktisur nga Rousseff, që përfundon në 1 janar 2019. Temer, nga radhët e partisë së djathtë PMDB, pritet të betohet si president më vonë gjatë ditës.

Rousseff ishte pezulluar në maj, pasi Senati kishte votuar për të vazhduar procesin hetimor ndaj saj. /Syri.net/