Një djalë 3-vjeçar ka humbur jetën pasi është sulmuar nga qeni në shtëpinë e tij në Essex të Anglisë.

Djali u dërgua në spital me plagë të mëdha pas sulmit, dhe nuk mundi t’i bënte ballë.

Për këtë ngjarje policia ka vendosur në pranga një 29-vjeçare e cila akuzohet se ka lënë qenin e saj të rrezikshëm jashtë kontrollit, duke kryer kështu sulmin fatal.

Ekspertët mjeko-ligjorë po punojnë në një kasolle në anë të shtëpisë, ku besohet se mbahej qeni.

“Kishte plagë në kokë dhe në gojë,” thanë mjekët për 3-vjeçarin i cili humbi jetën në mënyrë tragjike.