Kryetarja e Komunës së Tetovës, Teuta Arifi, priti në takim ambasdorin e ri të shtëtit francez, z. Kristijan Timonie. Të dy bashkëbiseduesit, i ndanë minutat e para të takimit për të folur mbi ecurinë e tyre në karierrë, përvojat politike, sfidat me të cilat janë ballafaqur ndër vite në rrugëtimin e tyre profesional dhe tema të tjera të ngjajshme.

Bashkëpunimi i mirë që kanë pasur ndër vite Komuna e Tetovës dhe ambasada franceze, mbeshtetja e ambasades franceze përmes projekteve të ndryshme, një pasqyrë e përgjithshme mbi gjendjen politike aktuale në Maqedoni, ishin temat kyçe në të cilat u ndal kryetarja Arifi.

Të dy bashkëbiseduesit, u dakorduan që kjo mbështetje dhe bashkëpunim do të vazhdojë edhe në të ardhmen.