Zv/kryeministri Halili takoi shefin e zyrës së NATO-së Gozard Bartol

190

Moebel THEMA

thumbnail_Fotor_147212251008258

Zëvendës-kryetari i Qeverisë së Republikës së Maqedonisë, Festim Halili, sot realizoi takim me Shefin e zyrës së NATOS në Shkup, Gozard Bartol.

Në këtë takim të parë, zëvendës-kryeministri Halili faleminderoi shefin e zyrës së NATO-së dhe i uroi mirëseardhje në RM-së në postin e ri. Halili dhe shefi i NATOS  biseduan për situatën politike në vend, implementimin e Marrëveshjes kornizë të Ohrit, përkatësisht pikat që dalin nga ky dokument paqësor dhe pika tjera që janë në interes të përbashkët.

Të dy bashkëbiseduesit shprehën shqetësim për situatën politike të fundit në vend, dhe diskutuan rreth procesit të zgjedhjeve që duhet të zhvillohet në RM-së. Ata theksuan se të njëjtat duhet të jenë demokratike, kredibile, fer dhe të lira që të mund të sigurojnë ardhmërinë evropiane të Republikës së Maqedonisë në përputhje me Marrëveshjen e Përzhinos.

Z.Bartol nga ana  tjetër shprehu gadishmëri për bashkëpunim në lidhje me zbatimin e Marrëveshjes kornizë të Ohrit sidomos në sferën e sigurimit dhe mbrojtjes. Z. Halili e informoi edhe për 15 vjetorin e nënshkrimit të Marrëveshjes kornizë të Ohrit si dhe për Analizën që e ka përgaditur Sekretariati në bashkëpunim me OSBE-në, ekspertët si dhe Institutin për Paqe.

Më tej, ai informoi shefin e zyrës në NATOS z. Bartol se kjo Analizë është në pajtueshmëri me Planin Aksional të Qeverisë për Reformat Urgjente Qeveritare dhe Dialogut të Nivelit të Lartë me Komisionin Evropian. Ai theksoi se rekomandimet që dalin nga kjo Analizë janë një bazë e mirë për të ardhmen dhe janë rezultat i punës gjithëpërfshirëse me institucionet përkatëse, sektorin joqeveritar, qarqet akademike dhe palët tjera të interesuara.

Zëvendës – kryetari i Qeverisë Halili ripërsëriti se zbatimi i Marrëveshjes së Ohrit, është kusht për krijimin e mirëbesimit ndërmjet etniteteve dhe hap rrugën drejt anëtarësimit në NATO dhe BE. Më tej theksoi se Republika e Maqedonisë si shtet që pretendon të jetë pjesë e familjes europiane dhe anëtare  e NATO-së do jetë shtet më i sigurt dhe më stabil.

Në fund bashkëbiseduesit u pajtuan që të ndjekin zbatimin e Marrëveshjes kornizë të Ohrit si dhe të vazhdojnë me një bashkëpunim më të afërt për të mirën e të gjithë qytetarëve.

thumbnail_Fotor_147212251008258thumbnail_IMG_1645thumbnail_IMG_1651

Comments