Çulev: Parregullsi në MPB me resurset njerëzore

Ministri për Punë të Brendshme Naqe Çulev, flet për parregullsitë me resurset njerëzorë në MPB.  Ai njoftoi se ka formuar një Komision të posaçëm, ndërkohë që ka njoftuar edhe përfaqësuesit e bashkësisë ndërkombëtare. Në komision sipas Çulev janë përfshirë edhe përfaqësuesit e sindikatës së policisë.

Komisioni ka shqyrtuar mbi 1800 vendime me çrrastë ka konstatuar shumë shkelje, si marrëveshjen kolektive dhe Ligjin për Punë të Brendshme.

“Me ardhjen time në MPB, punoj dhe angazhohem që ligjet të vlejnë për të gjithë njësoj. Dua të porosis se ka përfunduar koha e presioneve dhe dhënia e vendimeve në bazë joligjore”, tha Çulev.

Ndërkohë i pyetur se çfarë ndërmerr MPB-ja rreth rastit “Dhoma Publike”, Çulev theksoi se MPB-ja menjëherë pas marrjes së informatave ka njoftuar prokurorinë dhe janë grumbulluar të gjitha informatat rreth profileve dhe fotografive. Bëhet fjalë për 800 foto dhe video materiale. Është dërguar kërkesë deri tek telegram me seli në Britani. Ka dy administrator dhe dy moderator të cilët kanë shkelur Ligjin.

“Jemi në fazën e hetimit dhe nuk mund të japim detaje”, tha Çulev.