Aksident fatal në Zvicër: Humb jetën një çiklist 57-vjeçar në Solothurn

Një aksident i rëndë trafiku ka ndodhur të enjten pasdite në Winistorf, ku një çiklist 57-vjeçar ka humbur jetën tragjikisht.

Sipas Policia Kantonale e Solothurnit, ngjarja ka ndodhur rreth orës 16:00 në rrugën kryesore të fshatit. Kur ekipet e emergjencës mbërritën në vendngjarje, çiklisti ishte pa shenja jete.

Menjëherë u ndërmorën masa intensive të ndihmës së parë nga ekipet e urgjencës, të cilat më pas u vazhduan nga ambulanca dhe helikopteri i Rega. Megjithatë, pavarësisht përpjekjeve të mëdha, 57-vjeçari ndërroi jetë në vendin e aksidentit.

Sipas hetimeve fillestare, një fermer ishte duke punuar në një arë me traktor dhe një pajisje spërkatëse të bashkangjitur. Gjatë manovrimit pranë rrugës kryesore, shufra e zgjatur e spërkatësit ka hyrë në trajektoren e çiklistit që po afrohej, duke shkaktuar përplasjen fatale.

Autoritetet nga Prokuroria Publike e Kantonit të Solothurnit, në bashkëpunim me policinë, kanë nisur hetimet dhe po kërkojnë dëshmitarë që mund të ndihmojnë në zbardhjen e plotë të rastit.