Janë bërë mbi 1.200 vlerësime të dëmeve të amvisërive, rreth 300 makina dhe 1.200 pompa janë në terren në vendet e përfshira me vërshime në rajonin e Shkupit, informoi ministri i Transportit dhe Lidhjeve, Vllado Misajllovski gjatë vizitës së sotme në Straçincë së bashku me kryetarin e VMRO-DPMNE-së Nikolla Gruevski.

Ai theksoi se banorët e vendit në Straçincë janë mirë të organizuar dhe bashkëpunon me njerëzit që i menaxhojnë makinat.

Informoi se vetëm për tre ditë tërësisht janë pastruar rrugët.

Sot fillon pastrimi i oborreve dhe pastaj do të vijojë edhe pastrimi i rrugëve drejt tokave bujqësore.

Në fshat, siç theksoi kryetari i bashkësisë lokale Adnan Ajrulla, është formuar shtab i krizës i cili në bazë ditore komunikon me kryetarin e Qytetit të Shkupit dhe kryetarin e komunës së Gazi Babës dhe dakordojnë agjendë për ditën e ardhshme çka do të punohet.

Agjenda, siç tha, plotësohet në tërësi gjatë ditës së ardhshme.

Ajrulla shprehu kënaqësi nga ndihma e organeve shtetërore për normalizimin e situatës dhe informoi se tani më tërë fshati është kyçur me energji elektrike. Gjysma e banorëve kanë ujë, ndërsa gjysma tjetër pritet që të kenë ujë gjatë ditës së nesërme.

Theksoi se nga komuna e Gazi Babës veç më kanë marrë gypa të nevojshme për rregullimin e ujësjellësit.

Ajrulla paralajmëroi se për nesër qytetarët  me vetë iniciativë do ta pastrojnë shkollën dhe do ta lirojnë që në të të fillojë mësimi.

Ai e informoi kryetarin e VMRO-DPMNE-së se uji nga Liqeni i Smilkovës nuk është derdhur, ndërsa diga i ka përmbajtur të gjitha vërshimet.

Ekipet profesionale kanë konstatuar se diga me sukses se ka përmbajtur motin e ligë dhe përderisa liqeni dp të lëshonte do të kishte dëm shumë më të madh në Hasanbeg dhe Stajkovc.

Kryetari i Gazi Babës, Toni Trajkovski paralajmëroi se së shpejti do të fillojë edhe rindërtimi i rrugëve të cilat ishin me pllaka bekatoni.